رائع يا فاطمة مجهود محترم جدا ، ربنا يثبتك على كل خير ماشاء الله عليكي 🥰

الحمد لله إن مفيش أي ضغط نفسي أو زعل، كده إحنا قدام مشكلة فسيولوجية بحتة وحلها في إيدينا، واللي حصل معاك ده أنا بسميه (فخ الأنسولين)، وتعالى أشرحلك جسمك عمل فيك إيه امبارح بالظبط:



الشرارة (الكحكة بتاعة الصبح): إنت بدأت يومك على معدة فاضية بكحكة (يعني سكر ودقيق أبيض ودهون). دي عملت ارتفاع صاروخي لسكر الدم، وبعدها بكام ساعة السكر ده هبط فجأة في الأرض.

الانهيار (الساعة 1 الظهر): لما سكرك هبط، جسمك دخل في حالة (طوارئ ومجاعة)، وطلب أسرع حاجة تديله طاقة (كربوهيدرات سريعة)، عشان كده إيدك سحبت في الإندومي والشيبسي والمولتو. المشكلة إن الأكل ده بيرفع السكر وينزله تاني بسرعة، فدخلك في حلقة مفرغة من الجوع الوهمي طول اليوم، لدرجة إنك من كتر فقدان السيطرة أكلت (قلقاس) وإنت أصلاً قايلي في بياناتك قبل كده إنك بتكرهه ومابتحبوش! ده أكبر دليل إن جسمك كان بيطلب أي أكل قدامه وخلاص.

القولون: إنت عارف إن عندك قولون عصبي، تخيل بقى دخلتله في يوم واحد: بهارات ومواد حافظة (إندومي)، زيوت مقلية (شيبسي)، دقيق ومخبوزات (مولتو)، وختمتها بشاورما سوري (غالباً فيها تومية ودهون)! فطبيعي جداً القولون يصرخ وبطنك تتعبك بالشكل ده.

الخلاصة والحل بتاع النهاردة عشان نوقف الإحساس ده:



مفيش سكر الصبح: اتعلمنا الدرس، أوعى تكسر صيامك أو تبدأ يومك بحاجة مسكرة أو معجنات عشان متفتحش شهيتك طول اليوم.

نضف جسمك: اشرب مياه كتير النهاردة عشان نطرد الصوديوم والمواد الحافظة بتاعة الإندومي والشيبسي ونريح القولون.

وجبات تقفل الجوع: النهاردة وجباتك لازم يكون فيها بروتين محترم (بيض، فراخ، لحمة) وألياف (سلطة كتير)، ده اللي هيظبط سكر الدم ويقفل إحساس الجوع المستمر ده.

اهلا بيك يا محمد ♥

ممكن نظام الوجبات

الف سلامة عليك يا بدير بسيطة بأذن الله، لما الدكتور يشوف الدايت بتاعنا بلغني

شفاك الله و عافاك يا بدير ❤❤ بإذن الله نكون سبب في تقدمك للأحسن من خلال النظام الجديد و المتابعة 🙏

بالهنا و الشفا طيب الكحك في الدايت عادي 😭😭

بسم الله ما شاء الله ربنا يتقبل منك يا رانيا 🙏🙏 عقبال باقي الستة ❤️ و أما بالنسبة لقطعة الكحك 😂

تقبل الله يا رانيا، الف هنا وشفا يارب ♥

و حضرتك بالصحة و السلامة و السعادة ، الله يحفظك نورتينا ❤🙏

وانتي بخير وصحه وسعادة يارب

وانتي طيبة ياحبيبتي 🌺

انا الصراحة مقدرش اتحمل الجمال دة 😭😭 ما شاء الله عليكي يا فاطمة ميكس رائع ، خصوصاً البارميزان تعمل توازن للقوام و النكهة بين التونة و البطاطس ، استمري بجد بتفكريني بنفسي لما كنت باديء كنت بحب جدا الميكسات دي و كنت مضيع فلوسي على البارميچانو و الايمينتال و البطاطس الاورجانيك 😂 الله ينور عليكي ❤🙏

حاضر حاضر 😅😅😅😅

تحفففه يا فاطمة

ازيك يا مريم انا كابتن ابراهيم، كل الوجبات من فطار غداء عشاء انا ظبطها في الملف بتاعك 😊

ينفع جداً تاكلي من صينية البطاطس بالفراخ دي، بالعكس دي من الوجبات الصحية الممتازة والمقترحة ليكي في النظام! كلي منها ربع فرخة ومعاها حبتين بطاطس ، وزودي بصل وفلفل وسلطة براحتك عشان تشبعي ، بس بلاش حكاية "من غير دهون" دي؛ لأن خطتك محتاجة 65 جرام دهون صحية يومياً (زي الزبدة وزيت الزيتون) فحطي معلقة زيت زيتون أو حتة زبدة في الطبخ وانتي مطمنة عشان الأكل يبقى طعمه حلو

طيب و كمية البطاطس بالجرامات و حدود قد اية

تقدري تقولي ١٥٠ جرام لو مصرة تتعاملي بالجرامات 😅 و نصيحتي ليكي يا فاطمة انا بعملها ديما اني اكل البروتين و الخضار كدة مع بعض ثم اخر حاجة النشويات لو هاكل نشويات في الوجبة دي ، لاني مش شرط
اكل نشويات كل وجبة