@fatmafouad13
غدايا النهاردة لحمة مفرومة معمولة من غير اي دهون و فاصوليا مسلوقة و بطاطس مسلوقة
غدايا النهاردة كان علبة تونة متصفية و معاه ١٠٠ جرام موزريلا فريش مع شوية طماطم و سلاطة
الصورة من الإنترنت مش من تصويري
غدايا النهاردة ٣٠٠ جرام لحمة معصجة من غير سمن او زيت قليلة الدهن
فاصوليا خضراء مسلوقة و عليها ملح و توم باودر مع عصرة ليمون من غير اي نشويات
صباح الخير عليكم
النهاردة كان نفسي في حاجة حلوة فا جربت حاجة قولت أشاركها معاكم
جبت بيضة و حطيت كوباية زبادي يوناني و معلقة فانيليا و معلقة عسل و ٣ معالق جوز هند مطحون منزوع السكر (بعد التجربة يفضل معلقتين بس ) و نخلطهم مع بعض و ندخلهم ١٥ في الاير فراير علي درجة حرارة ١٧٠ و بيطلع فادج او براونيز طعمه مسكر و يملي المعدة ملحوظة اه هو اكيد مش شبه الكيك و الحلويات الصريحة بس حاجة مسكرة و صحية و خصوصا الألياف بتاعت جوز المهند بتنفش في المعدة أنا مقدرتش بصراحة أكملها بس حاسة اني مبسوطة ان اكلت حاجة حلوة
صباح الفل عليكم
من الأكلات الي بحبها اوي الاسكالوب بانيه او الفراخ البانية بس مشكلتي انها لما بتدخل إلاair frayed البقسماط اللي عليها بيكون شبة التراب فا الحل الوحيد عشان تتغلب علي الموضوع ده و تظبط موضوع كمية الزيت اللي بنحطها عليه
نجيب البقسماط المطحون و نحط عليه من واحد ل ٢ معلقة زيت زيتون و نخلطه مع بعض لحد ما يكون مندي و ساعتها بنحط الفراخ او البوفتيك عليه و يلزق فيه علي طول و كمان في الاير فراير و بيفضل ماسك نفسه و سلام معاه شوية سلاطة او ١ بطاطس مهروسة من غير زيت و معاها ملح و كمون و كركم بجد بتكون وجبه مشبعة و مناسبة للغدا الساعة ٦ مساءا و لحد تاني يوم الصبح
Ahmed Fawzi
टिप्पणी हटाएं
क्या आप वाकई इस टिप्पणी को हटाना चाहते हैं?